Haqayaq

جدید دنیا کی بنیادیں بیشک تعلیم پر ہی استوار ہے۔ قوموں کی درجہ بندی کیلئے اگر چہ بہت سارے پیمانے مستعمل ہیں لیکن جس قوم میں شرح خواندگی زیادہ ہو وہ قوم بام عروج پر پہنچنے کیلئے سب سے زیادہ موزوں سمجھی جاتی ہے۔ ہم اگر موجودہ حالات کا جائزہ لیں تو یہ بات روزِ روشن کی طرح عیاں ہو جاتی ہے کہ تعلیمی پسماندگی کسی قوم کو کہیں کا نہیں چھوڑ دیتا۔ جہاں جہاں پر شرحِ تعلیم زیادہ ہے دنیا کے ان حصوں میں امن و امان سمیت سہولیات اور آسائشوں کی بھر مار ہے مگر دنیا کے جن خطوں میں شرحِ تعلیم کم ہے وہاں پر امن وامان کی صورتحال ابتر ٫ فاقہ کشی، دشمنیاں اور بنی نوع اِنسان زبوں حالی کا شکار ہے۔ ہم پاکستانی بھی اگر اپنے موجودہ صورت حال پر غور کریں تو ہمارے موجودہ حالات کاسب سے بڑا ذمہ دار تعلیمی پسماندگی کو ہی قرار دیا جا سکتا ہے۔ ایک طرف اگر ہمیں مذہب کے نام پر جہالت کی گھٹلی پلائی جاتی ہے تو دوسری طرف ہمیں روایات اور اور توہمات کے دیواروں میں مقید کر دیا جاتا ہے، سوال پوچھنا یہاں گستاخی پر معمول کی جاتی ہے اور دلیل و توجیہ پر کفر کے فتوے لگتے ہیں۔ لگتا یوں ہے کہ ہمیں سوچی سمجھی سازش کی تحت علم و آگہی سے مح...